Para kay Kylie Verzosa, malaki ang adjustment na ginawa niya para bumagay siya sa role ni Daisy bilang katulong sa pelikulang The Housemaid.
Aniya, kinalimutan daw niya na beauty queen siya sa set para maging in character siya.
Malaking tulong din daw na winorkshop siya ng kanyang director na si Direk Roman Perez, Jr. sa kanyang karakter sa pelikula.
Nagpapasalamat din siya kay Albert Martinez dahil inalalayan siya sa kanyang mga sensitibong eksena.
Nakabuti rin daw na bago nila kinunan ang bawat eksena ay ni-rehearse nila ang mga ito.
Tungkol naman sa daring at erotic scenes nila ni Albert, kahit daw ang unang nagbinyag o naka-donselya sa kanya sa pelikula, sobrang supportive raw nito sa kanya sa kanyang first movie as a solo lead.