Marami ang dismayado kay Pen Medina matapos niyang sabihin na hindi epektibo ang pagsusuot ng face mask laban sa COVID-19.
Isa na rito ang dating TV host na si Kiko Rustia.
“Idol ko pa naman to sa teatro at tv (sad face),” aniya sa kanyang Twitter account.
Idol ko pa naman to sa teatro at tv :( https://t.co/xbM4Joz4nX
— kiko rustia (@kikorustia) August 26, 2021
Namataan si Pen Medina sa isang protesta sa Senado na pinangunahan ng Gising Maharlika group nitong Huwebes, Agosto 26.
Sa isang video na inupload ni DZBB Super Radyo Sam Nielsen, tinanong niya si Pen Medina kung bakit tinututulan nito ang paggamit ng face mask.
“Napag-aralan ko na. Kasi po ang face mask malalaki ang hibla niyan, yun pong coronavirus, ang mga virus, maliliit po,” ani Medina.
“Kumbaga hindi pa rin ito na identified. Kumbaga sa lineup ng pulis hindi pa na pinpoint kung sino yung kriminal na virus.” dagdag pa niya.
“Ito pong virus na ito, para kang naghahanap sa buhangin, sa isang beach na pagkarami-raming buhangin, at yung buhangin microscopic, di mo siya makikita sa mata mo lang. Kailangan gumamit (ng microscope)… Hindi pa po nila nakikita yan, tas may sinasabi ng variant… At yan po ay lulusot po, kahit na anong mask. Dahil sobrang, sobrang pagkaliit-liit.” ayon pa sa aktor.
Tags:
PEN MEDINA